الأحد، 20 أبريل، 2014

حفل اعادة افتتاح لوكسيتان

 
من مده انعزمت على اعادة افتتاح لوكسيتان في فيلاجيو
سبب الاغلاق كان للتجديد في الديكور وبعد فرصه لعرض بضائع جديده
 
 
 
عند المدخل كان في استقبال زوار الحدث عازفين الجاز والقيتار كإضافة جميله لجو الافتتاح
عزفهم يجنن .. كان ودي ياخذون ريكوستس !
 
 
 
 
 نيجي لجولتي التصويريه في المحل
 
 
 
 
 
 
 
 
من منتجات المحل الجديده
هالمجموعه الكبيره من منتجات طبيعيه للعنايه بالبشرة
في منتها الخاص بالبقع الجلديه وفي كونسيلر طبيعي وقسم للتجاعيد
تقدريون تتعرفون عليها بصوره اكبر في الموقع او تزورون اقرب فرع لوكسيتان لكم
 
 
 
 
 
 
 
واهني قسم كامل لمنتجات زبدة الشيا الطبيعيه للجسم
 
 
 
 
 
 
 
هاي ركن العطور الطبيعيه الي عندهم
وكانت فيه وحده من الموظفات مع الايباد مالها
تسالج كم سؤال عادي يخليج تتعرفين على الريحه المناسبه لج
 
 
 
انا اشتطيت وطلعت الريحه المناسبه لي
Citrus
الريحه وايد منعشه
مكون من مواد عضويه من خلاصات الليمون وزيت الليمون
حبيته وايد خاصه بعد الشاور !
يجي منه بعد ديودرنت و كريم وبلسم اظن و شور جل
 
تقدرون تزورون المحل اي وقت وتتعرفون على الي يناسبكم
 
 
بمناسبة الافتتاح كانت في مسابقه حلوه عجبتني فكرتها
كان حول المحل مجموعة اسىله اجابتها موجوده في المحل
وطبعا الي بيجاوبون لهم هدايا من المحل
 
 
 
 ضيافه الايفنت كانت وايد شيك ومرتبه من فندق لاسيقال
عباره عن مشروبات بنكهات مختلفه
ومني بار للسناكس والديزرتس يرجعون يعبونه كل شوي لكثرة الاقبال !
 
 
 
 
 
 وكان في مكان مخصص للتصوير عند المدخل لل
الحلو فيه ان في شغلات عبيطه حاطينها للتصوير .. كنت افكر اصور لكم بعض حركان الي يصورون
لكن ما حبيت انتهك خصوصيتهم
 
 
 
 
ما قصروا  طبعا بالهدايا
وكانت عباره عن عينات من منتجاتهم
وشنطه صغيره تتضمن علب صغيره من منتجاتهم الجديده للبشره
..
 
 
 شكرا على دعوتكم لي
ولي زياره بعد ثانيه للمحل بس فرع الاند مارك كونه اقرب
علشان اجرب جلسه العنايه بالبشره واليدين الي عندهم
تقدرون تتواصلون معاهم لحجز مواعيدكم وتجربه هالجلسات بعد
 
.....................
 
Website
.
Facebook
.
Instagram
loccitane
.
Twitter
.
Youtube
.
افرع قطر
 
Villagio Mall
+97444507585
.

Landmark
+97444865149

السبت، 12 أبريل، 2014

دار الدزه






 
 
دار الـــدزه
الدوحه - قطر
.
Tel:0097433252662
.
E-mail
.
Instagram
DarAldazah
 

إفتتاح بوتيك لانفن في قطر

من مده انعزمت على افتتاح بوتيك
LANVIN
في فيلاجيو مول
والافتتاح كان يوم الاربعاء الي طاف
وانشغالي بمناسبات وبالبيبي Babysmiley2 عطلتني عن تنزيل البوست شوي خخخ
 
 
 
وصلت للافتتاح متاخره شووي عمدا لتجنب التصوير
مع ان الايفنت كان نسائي فقط !
 
بوتيك لانفين بمفهومه الجديد يوفر اكسسوارات راقيه 
ومجموعه مبهره من الملابس ردي تو وير وشويه فساتين زفاف ناعمه
 
 
البوتيك كان ترتيبه راقي وتنظيم الافتتاح كان وايد مرتب وحلو
لدرجه ان كنت مخططه بس امر على السريع واطلع بس طولت شوي
تعرفت على ناس وايد مميزين وفي ناس تواعدت اشوفهم مره ثانيه
والاهم تشرفت بالتعرف على القروب الحلو الي ورى
Design Creationz
المنظمين لهالايفنت يعطيهم العافيه .. انصح بهم بشــــــده للي حاب اي نوع من خدماتهم
و راح احط لكم بياناتهم تحت واهم ما يحتاجون دعايه او ترويج لانهم معروفين ما شاء الله
 
عزموني للاسف على كذا ايفنت قبل منهم الترانك شو< اظن كان في الشعله
وافتتاح بوتيك مارك جيكبس بس ظروفي الصحيه منعتني حزتها
.
لكن ان شاء الله بروح للترانك شو الجاي الي بينظمونه قريب وما عندي معرفه بالتاريخ بالضبط
بس راح انطر خبر منهم اول ما يعلنون عنه باذن الله
خاصه بعد المديح الي سمعته العام عن الترنك شو
.
والتقيت بعد بالبلوغرز الي ورى مدونه
 
 
صدتهم من صورتهم بالعبايه في الانستغرام خخخ
.
 
وللاسف كانت المصممه ليلى موجوده وما وافيتها الي اهي صاحبة
 
 
لكن ان شاء الله نلتقي في مناسبه ثانيه
اترككم مع جوله في البوتيك..رغم ان زحمه بس قدرت اصور شوي الحمد لله
 
 
من احلى اللمسات الي حبيتها في الافتتاح الي عطت اجواء مثاليه وجات على العوق الصراحه
اهي فرقه تعزف للافتتاح موسيقى لونج.. الساكسفون قطع قلبي !!
 Romanticdin
 
 
 
 
 
 
 
 
 
 
 
 
 
 
 
 
 
الضيافه كانت بسيطه بس شيك
عباره عن عصاير في جارز وسوفت درنكس
وكرنشي سناكس
G63atchocola
 
 
 
 
ضيفة الايفنت اللطيفه
 
اهي رسامه ومصوره ومبدعة الستليتر لها ستايلها الخاص ومعروفه باعمالها وخطها المميز
وكانت ترسم سكتشات سريعه للضيوف باسلوبها الخاص لابسين اي فستان من لانفن وتهديه بتوقيعها
 
 
 
وهاي سكتش لي تدااااا
بس في عالم العصاقل خخخخخخ
حطت لي خصل زرقه كتغير بما اني الحوت
 
 
 
كان في توزيعات هدتيا من لانفن بعد عند الباب
بس من العيله ما شاء الله علي
Toleen
نسيت اخذ لي..فما ادري ايش فيهم
.
لكن اشكر دزاين كريشنز على الدعوه الجميله للايفنت
ويعطيكم العافيه على هالوقت الجميل
Omdana
..............................
 website
.
Facebook
.
Twitter
.
Instagram
lanvinofficial
.
Tumblr
.
Youtube
.............
 
website
Twitter
dczqtr
.
Facebook
.
Tel
0097477343806 
.
E-mail
 dcz@dczqtr.com
 
  1.